අද තැපැල් ඡන්ද සළකුණු කිරීමේ ප‍්‍රතිශතය සියයට 70 ක්.

ජනාධිපතිවරණයේ අද ආරම්භ කෙරුණු තැපැල් ජන්ද විමසීමේ කටයුතු සාමකාමී අන්දමින් සිදු කෙරුණු බව අතිරේක මැතිවරණ කොමසාරිස් යූ. අමරදාස සඳහන් කළා. අද (23) පෙරවරු 8.30ට ඇරඹි තැපැල් ජන්ද විමසීමේ කටයුතු පස්වරු 4.15ට අවසන් කෙරුණා. මෙවර තැපැල් ජන්ද භාවිතා කිරීම සඳහා සුදුසුකම් ලබා ඇති රජයේ සේවකයන් සංඛ්‍යාව 5 ලක්ෂ 41 දහස් 432 ක්.

අද දිනයේ තැපැල් ජන්ද සලකුණු කිරීමේ ප‍්‍රතිශතය සියයට 70ක මට්ටමක පැවති බවයි මැතිවරණ නිරීක්ෂකයන් සඳහන් කළේ. පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්ච් සඳහන් කළේ සුළු සිද්ධීන් කිහිපයක් හැරුණු කොට සමස්ථයක් ලෙස තැපැල් ජන්ද විමසීම ප‍්‍රසස්ථ මට්ටමක පැවති බවයි.

මේ අතර මාතර කොට්ඨාශ අධ්‍යාපන කාර්යාලයේ තැපැල් ජන්ද සලකුණු කිරීමේ මධ්‍යස්ථානයේදී ගුරුවරුන් පිරිසකට ජන්දය භාවිතා කිරීමට නොහැකි වූ බවට පැමිණිල්ලක් ඉදිරිපත්ව තිබුණා. ඒ සම්බන්ධයෙන් හිරු ප‍්‍රවෘත්ති අංශය කළ විමසීමකදී මාතර සහකාර මැතිවරණ කොමසාරිස්වරයා කියා සිටියේ එම ගැටළුව පසුව විස`දීමට කටයුතු කළ බවයි.

ජනාධිපතිවරණයේ තැපැල් ඡන්ද විමසීම හෙට දිනයේත් සිදුවන අතර අදාළ දින දෙකෙහි තැපැල් ඡන්ද භාවිතා කිරීමට නොහැකිවූ රජයේ සේවකයින්ට මේ මස 30 වැනිදා සහකාර මැතිවරණ කාර්යාල වෙත පැමිණ සිය තැපැල් ඡන්දය භාවිතා කළ හැකියි.